مجالات شغل كليه العلوم لقسم الكيمياء

السلام عليكم يا شباب ويا انسات(الكيمياء هو اساس الاشياء)
دي بقي مجالات الشغل لكليه العلوم قسم الكيمياء علشان تبقوا علي نور من اولها وكل واحد يروح الحته اللي عاوزها باذن الله وبالاخص طلبه كفر الشيخ لان كفرالشيخ عموما كمحافظه مش مدركه قوي لكليه العلوم وشغلها يعني من الاخر علشان محدش يضحك عليك و يقولك اخرك مدرس وانا بقولك انك الكليه الوحيده اللي تقدر تشتغل بيها دكتور ومهندس وكمان مدرس وفي الدعايه كمان لوحبيت وسيبوها لله:
1-البترول اما ان تعمل غي ال سيفتي وده كتير(الأمن الصناعي) او في الطفله وديه صعبه
2-الأدويه انا ان تعمل مندوب وديه كتير واما ان تدخل المصنع وديه عايزه لف شويه وفي رائي افضل مجال لكيمياء وميكرو اهو الأدويه
3-النسيج(الصباغه) محطات المياه الحكوميه والغير حكوميه الموجوده بالشركات الخاصه كالأدويه والنسيج والسيراميك....الخ
4- محطات الكهرباء
5- السيراميك يا في المعمل يا كا مراقب جوده
6-البلاستيك وبتشتغل في الأنتاج او مراقب جوده والمعمل بتاعها حلو بردو
7-الصناعات الكيماويه نشادر نشا شبه ....الخ
8-الحديد والصلب
9-الأسمنت
10- معامل التحليل
11-الجهات الرقابيه الحكوميه(مصلحه الكيمياء-الرقابه والجوده)
12-الجامعات الخاصه لو تقديرك كويس
13-شركات ادوات التجميل وفرص قيها هايله
14-الزجاج
15-البويات والمنظفات
16-شركات المقاولات بطلب ساعات كيميائين للعمل في تحليل التربه وبجد مرتباتها هايله احسن من البترول
17-الورق والصناعت الغذائيه
18)هام جدا: بعد اما تخلص الكليه ممكن تروح تقدم كليه ضباط متخصصين واحد شرطه والتانيه حربيه يعني مصانع حربيه وحرب كيماويه وكده.
تقريبا ده الي فاكره لان دي المجالات الي انا وصحابي شغالين فيها والحمدالله عدت سنه اهي علي دفعتي محدش تقريبا قاعد عاطل كله شغال الحمدالله واهم حاجه الصبر حتي لو المرتب قليل ان شاء الله هتلاقي بعد كده خير بس اهم حاجه الصبر
يارب اكون قدرت اوصل حاجه وافتح باب الأمل تاني وربنا يوفقنا جميعا لما يحبه ويرضاه